| A 6ª edición de Cantos na Maré ponse en marcha co ciclo de cinema lusófono, unha interesante selección de documentais, que se desenvolverá coa colaboración do Cineclube de Pontevedra ata o 12 de decembro na Casa das Campás.
Durante estes días están planificados diferentes pases co fin de achegar a todos os interesados, as raíces que amosen en imaxe o desenvolvemento musical e cultural de distintos territorios da lusofonia.
CNMdocumental 08
"Todo reflorecido" pases en aberto: mércores 10 (20 h)
Sinopse: fascinado polo barrio lisboeta de Fontainhas, Pedro Costa filma aos seus habitantes e o proceso de destrución do barrio.
Para o director, o seu traballo como cineasta e o barrio están inexplicablemente ligados. Aproveitando a rodaxe e a montaxe do filme Juventud en marcha, Aurélien Gerbault convértese en testemuña de excepción do minucioso traballo de Costa.
Director: Pedro Costa.
"Brasileirinho" pases en aberto: xoves 11 (20 h)
Sinopse: documental sobre o"choro", a primeira corrente musical brasileira urbana que comezou a desenvolverse arredor do 1870. O "choro", un estilo de música moi popular nos anos 20, entronca directamente coa samba e máis tarde coa bossa nova. Algúns títulos mundialmente coñecidos inclúen "Tico-Tico No Fubá" e "Brasileirinho", tema que serve para dar título ao filme. Nel, amósase por riba de todo, unha colorida imaxe das tendencias actuais do xénero. Inclúe a actuación de artistas como o Trío Madera Brasil, Moura, Yamandú, Marcos Suzano, Elza Soares, Teresa Cristian, Zezé Gonzaga e moitos máis…
Director: Mika Kaurismáki
"No a la vanagloria de mandar" pases en aberto: venres 12 (20 h)
Sinopse: a película emprázase durante a guerra colonial portuguesa en África, durante a cal un oficial militar explica ás súas tropas a epopea histórica de Portugal, unha epopea feita de grandes fallos. A historia remata cando o 25 de abril desátase a revolución, o mesmo día no que o oficial morre nun hospital militar…
Director: Manoel Oliveira
Máis información: Web do festival |
