| |
Convocatoria de ASAMBLEA EXTRAORDINARIA DE AGACOM |
|
|
14.07.2008 - agacom |
Terá lugar o vindeiro mércores 16 de xullo na sala de Xuntas do Depatarmento de Comunicación.
O vindeiro mércores, 16 de xullo de 2008, ás 17.30 en primeira convocatoria e ás 18.00h en segunda convocatoria, na Sala de Xuntas do Departamento celebrase unha asamblea xeral extraordinaria de AGACOM coa seguinte orde do día:
ÚNICO PUNTO: RATIFICACIÓN DA INCLUSIÓN DA CARENCIA DE FINS DE LUCRO NOS FINS DA ASOCIACIÓN (ARTIGO 2 DOS ESTATUTOS DE AGACOM)
Convócase a todos os socios e socias a acudir.
|
Están dispoñibles as actas do 5º SOPCOM |
|
|
9.07.2008 - agacom |
O Congreso tivo lugar o pasado mes de setembro en Braga e contou cunha nutrida representación de investigadores/as de Galicia
O Ebook: "Comunicação e Cidadania. Actas do 5º Congresso da SOPCOM", que conta con máis de 2500 páxinas, reúne os textos integrais das comunicacións presentadas nas 21 áreas temáticas do congreso, organizado pola Universidade do Minho, entre 6 e 8 de Setembro de 2007.
A publicación está accesible na web do congreso , onde están aloxados en formato PDF os documentos dos textos enviados á Comisión Organizadora.
A referencia completa é a seguinte:
Martins, M.L.; Pinto, M. (orgs.) [2008] Comunicação e Cidadania. Actas do 5º Congresso da Associação Portuguesa de Ciências da Comunicação
Braga: Centro de Estudos de Comunicação e Sociedade, Universidade do Minho, ISBN: 978-989-95500-1-8.
|
II Encontro Audiovisual entre Galicia e Brasil |
|
|
6.06.2008 - agacom |
Inclúe unha mostra de cine producido no Brasil aínda inédito en España
A Secretaría Xeral de Comunicación, o Consorcio do Audiovisual de Galicia, a Agência Nacional de Cinema do Brasil (ANCINE) e o Programa Cinema do Brasil organizan o II Encontro audiovisual Galiza-Brasil que vai ter lugar na Coruña no mes de novembro.
Neste II Encontro ademais do acercamento de profesionais e proxectos de coprodución, levarase a cabo unha mostra de cine producido no Brasil e aínda inédito en España. A cita pretende congregar e dar a coñecer esta importante cinematografía ao público en xeral, posibles distribuidores e medios de comunicación.
|
O VIII congreso LUSOCOM celebrarase en abril do 2009 |
|
|
4.06.2008 - agacom |
Lisboa será a sede do evento
Lusofonias: um espaço comum? será o tema central do VIII Congreso LUSOCOM que se celebrará na Escola de Comunicação, Artes e Tecnologias da Informação da Universidade Lusófona Humanidades e Tecnologia de Lisboa o 20 e 21 de abril de 2009.
As asociacións que integran a LUSOCOM, entre as que figura AGACOM son as promotoras deste evento. Os congresos da LUSOCOM, de carácter periódico, reúnen a investigadores/as lusófonos no ámbito da comunicación.
As últimas edicións de Lusocom foron en Compostela en 2006, na Covilhá (Portugal) no ano 2004 e en Maputo (Mozambique) no 2002.
|
Chamada de traballos para o XXXI Congresso da Intercom |
|
|
28.05.2008 - agacom |
O 13 de xuño remata o prazo para o envío de propostas
O XXXI Congresso da Intercom, que ten como tema central: "Mídia,ecologia e sociedade", celébrarase na Universidade Federal do Rio Grande do Norte (Natal, Brasil) entre o 2 e o 6 de setembro deste ano.
A participación prevista pola organización ronda os 5.000 pesquisadores, profesores, estudantes e profesionais da comunicación procedentes de América Latina e de Europa.
Pódese obter máis información na web do congreso.
|
Chamada de artigos do Anuário Internacional de Comunicação Lusófona |
|
|
26.05.2008 - agacom |
O prazo de recepción dos abstracts remata o 27 de xuño
LUSOCOM (Federação Lusófona de Ciências da Comunicação), na que AGACOM está integrada, comunica a chamada de artigos para o próximo número do Anuário Internacional de Comunicação Lusófona.
O Anuário priorizará traballos que atendan para a pesquisas sobre a comunicación no ámbito das comunidades e países lusófonos, principalmente en “Galiza e o espazo lusófono” e que respondan aos tópicos de Políticas de comunicación e cultura, empresas mediáticas, produtos, distribución, proxectos e análise.
NORMAS PARA O ENVIO DO ABSTRACT:
Máximo 15 liñas (350 caracteres) e debe facer referencia aos obxetivos, proposta metodológica de análise (tratamento) e resultados agardados.
NORMAS PARA AS PUBLICACIÓNS:
As contribucións deben ser enviadas vía correo electrónico, en arquivos configurados no programa Microsoft Word, dentro das seguintes categorias:
1. Artigos - textos con dimensión variable entre quince e vinte páxinas ( 21 mil a 28 mil caracteres), contendo análise, reflexións e conclusións sobre temas académicos ou profesionais.
2. Comunicacións Científicas (Relatos de Pesquisa) - textos con dimensión variable entre quince e vinte páxinas (21 mil a 28 mil caracteres), contendo descrición da pesquisa, metodoloxía, análise dos resultados e conclusións.
Os orixinais deben ser enviados xa revisados e acompañados dun resumo de non máis de 15 liñas (350 caracteres), na lingua orixinal e cunha indicación de catro palabras-chave, alen dunha pequena biografría do autor (5 liñas).
As referencias bibliográficas deben ser incluídas dentro do texto, a bibliografía debe estar colocada no final do artigo; en canto ás notas, se son necesarias, deben ser de rodapé e deben ter só a función de inserir agradecementos, consideracións, comentarios ou explicacións complementarias.
As colaboracións deben ser enviadas ao Editor Asociado do respectivo país do autor, neste caso AGACOM (agacom@agacom.org).
|
ASCOMGB, nova asociación de comunicación na área lusófona |
|
|
14.05.2008 - agacom |
AGACOM apoia a constitución da nova asociación
En Guinea- Bissau estase constituíndo unha nova Asociación de Comunicación, que se sumará ás existentes noutros territorios do espazo lusófono (AMESCOM en Mozambique, ANGOCOM en Angola, INTERCON en Brasil,SOPCOM en Portugal e AGACOM na Galiza).
Tanto AGACOM como LUSOCOM celebran esta iniciativa e agardan que sexa posible a súa futura incorporación á Federação das Associações Lusófonas de Ciências da Comunicação- LUSOCOM. Asicomo, establecer lazos de colaboración coa ASCOMGB.
|
Anuário Internacional de Comunicaçao Lusófona 2007 |
|
|
13.05.2008 - agacom |
Os Media no espaço lusófono conta coas contribucións de seis asociados de AGACOM
Nesta edición do Anúario Internacional de Comunicaçao Lusófona trátase de respostar a un dos obxectivos estruturais da LUSOCOM: o desenvolvemento da investigación sobre a comunicación e os media,nesta área cultural, e o coñecemento mutuo da actividade científica das diversas comunidades que integeran este espazo intercontinental.
O Anuario está dividido en dúas partes fundamentais: a primeira congrega textos especificamente adicados á análise da comunicación e dos media no espazo lusófono; a segunda procura traducir a transdisciplinaridade da produción científica de investigadores lusófonos na esfera máis alargada das Ciencias da Comunicación.
Seis dos 20 artigos publicados son de investigadores/as que integran AGACOM.
|
Congreso internacional de Ciberxornalismo na Universidade do Porto |
|
|
13.05.2008 - agacom |
O observatorio de Ciberjornalismo da Universidade do Porto organiza o seu primeiro congreso internacional durante os días 11 e 12 de decembro deste ano.
O obxectivo é reunir a especialistas na área para analizar as cuestións centrais do ciberxornalismo actual.
A converxencia, a multimedialidade, o fenómeno dos blogs e o xornalisma cidadán serán os eixes centrais deste evento científico.
A organización abre tamén un espazo para as comunicacións, que deberán ser presentadas en portugués ou inglés antes do 20 de xuño.
Para máis información,na web de
ObCiber
|
Luís Filipe Rocha presenta as súas obras en Galicia |
|
|
25.04.2008 - agacom |
O 25 de abril proxectárase A Outra Margem na Facultade de Ciencias da Comunicación
O cineasta portugués, Luís Filipe Rocha visitará a vindeira semana distintos da xeografía galega presentando os seus filmes en diversos centros académicos e fundacións.Entre eles, a Facultade de Ciencias da Comunicación de Santiago de Compostela acollerá a presentación do filme "A Outra Margem" o 25 de abril ás 11 da mañá. O film conta a historia dun travesti que perdeu tódalas gañas de vivir coa morte do seu compañeiro, pero o reencontro cun adolescente con Síndrome de Down sérvelle para volver a aprender a vivir.
"A Outra Margem" recibiu o Prémio Arco-Íris 2007 da Associação ILGA Portugal e os actores Filipe Duarte e Tomás de Almeida gañaron o premio de mellor actor no Festival de Cinema do Mundo de Montreal.
Na organización desta actividade colabora Agacom.
|
|
|
|
 |
Anuarios Internacionais de Comunicación Lusófona
Por LUSOCOM
|
|
