Dor polo pasamento de Enrique Bustamante

Novamente, e con con fonda dor, logo de que en días pasados falecera Jesús Martín-Barberto, AGACOM amosa o seu pesar nesta ocasión polo recente pasamento do profesor Enrique Bustamante, presidente da Asociación Española de Investigación de la Comunicación (AE-IC). Exemplo e referente para moitas xeracións de profesionais e académicas e académicos do ámbito da comunicación, Enrique Bustamante estivo sempre na vangarda da loita por un mundo máis libre, democrático e plural. Deixa un gran baleiro no eido da comunicación pero tamén unha gran obra e un legado que inspirará ás xeracións vindeiras. Dende a AGACOM queremos sumarnos ás condolencias á súa familia e achegados.